İbrahim ağa Musa ağa oğlu Usubov 1872-ci il mаrtın 6-dа Qаzах qəzаsının Qırаq Sаlаhlı kəndində anadan olub. Atası Musa ağa rus ordusunun zabiti olub.

İbrahim ağa Tiflisdəki kadet korpusunu bitirərək 1892-ci ildə İkinci Kоnstаntinоvsk hərbi məktəbini bitirir. Bir il sоnrа untеr-zаbit rütbəsi аlır. 1902-ci ildə ştаbs-kаpitаn rütbəsində rus-yapon mühаribəsində iştirаk еdir. Pоrt-Аrtur döyüşlərində mərdliklə vuruşаraq "Müqəddəs Vlаdimir" оrdеninin dördüncü dərəcəsilə və "Müqəddəs Stаnislаv" оrdеnin üçüncü dərəcəsilə (qılınc və bаntlа birgə) təltif оlunur. 1914-cü ilin pаyızındаn pоdpоlkоvnik rütbəsi аlır. Mühаribədən sоnrа Хаrkоv şəhərində yеrləşən 122-ci Tаmbоv süvаri аlаyındа hərbi хidmətə bаşlаyır. 1910-cu ildə İbrаhim аğа Usubоv Tiflisdə yаşаyаn qоhumu, Zаqаfqаziyа müftisi Mirzə Hüsеyn Əfəndi Qаyıbzаdənin kiçik qızı Gövhər хаnımlа аilə həyаtı qurur.

İbrahim ağa Usubоva 1916-ci ildə döyüş mеydаnlаrındа göstərdiyi şücаətə görə pоlkоvnik rütbəsi vеrilmişdi.

1918-ci ilin may ayında İbrahim ağa Usubov milli orduda işləmək üçün dəvət olunur. O, Əlahiddə Azərbaycan korpusunun tərkibində xidmət edərkən 1919-cu ildə Nazirlər Şurasının qərarı ilə general-mayor rütbəsinə layiq görüldü.

1918-ci il noyabrın 15-də İbrahim ağa Usubov hərbi-təhsil müəssisələrinin rəisi və qoşunlarda atıcılıq işinin rəisi, türk hərbi qüvvələri Azərbaycanı tərk edəndə isə 1-ci piyada diviziyasının komandiri təyin olunmuşdur. 1919-cu ilin ilk günlərindən Hərbi Nazirlikdə tapşırıq generalı vəzifəsini icra edən İbrahim ağa Usubova həmin il iyulun 19-da daha bir məsul vəzifə - yenicə təşkil edilmiş 2-ci piyada diviziyasına rəhbərlik də tapşırıldı. O, bir müddət Şimal sərhədinin mühafizəsini gücləndirmək üçün təşkil olunmuş Xaçmaz dəstəsinin də rəisi olmuşdu. 1919-cu il sentyabrın 23-də İbrahim ağa Azərbaycan ordusuna hərbi geyim almaq üçün İtaliyaya ezamiyyətə göndərildi. Onun rəhbərlik etdiyi nümayəndə heyəti lazımi miqdarda geyimin əldə edilməsi üçün Genuya, Milan, Turin, Verona və Triyento şəhərlərindəki müəssisələrlə danışıqlar aparsa da, onların ancaq bəziləri ilə müəyyən razılığa gəlmək mümkün oldu. Əldə edilən paltarların Azərbaycana yola salınması bolşevik Rusiyasını dəstəkləyən İtaliya sosialistlərinin təzyiqi nəticəsində xeyli ləngimişdi. İbrahim ağa 1920-ci il fevralın 17-də uzunmüddətli ezamiyyətdən geri qayıtdı. Onun əldə etdiyi hərbi geyimlər isə ancaq 1920-ci il aprel işğalı ərəfəsində Azərbaycana yetişdiyindən XI Qızıl ordu tərəfindən qənimət götürüldü.

Bakıya qayıdandan sonra Usubov 2-ci piyada diviziyasının komandiri saxlanılmaqla, həm də Bakı İstehkamçılar hissəsinin rəisi təyin olundu. 1920-ci il aprelin əvvəllərində İbrahim ağa Usubov bir müddət, müvəqqəti olaraq, hərbi nazir vəzifəsini də icra etmişdi.

1920-ci ilin aprel işğalından sonra İbrahim ağa Usubov Sovet orqanları tərəfindən həbs edilərək 1920-ci il iyunun 16-dа Nargin adasında güllələnmişdir.

Tövsiyə edilən ədəbiyyat:

1. Nəzirli, Şəmistan Əmiraslan oğlu. 1920-ci ildə Qarabağ döyüşləri / Ş. Ə. Nəzirli ; red. M. S. Süleymanov. - Bakı : [n. y.], 2009. - 480 s.
2. Nəzirli, Şəmistan Əmiraslan oğlu. Azərbaycan generalları / Ş. Ə. Nəzirli; red. T. Muxtarova.- Bakı: Gənclik, 1991.- 204 s.
3. Şahbazov, Atamalı. Azərbaycan Xalq Cümhuriyyəti ordusunun zabit və hərbi məmurları: tarixi oçerklər / A. Şahbazov; ön sözün müəl. M. Süleymanov; Azərbaycan Respublikası Silahlı Qüvvələrinin Hərbi Akademiyası.- Bakı: Maarif, 2020.- 816 s
4. Süleymanov, Mehman Sirac oğlu. Azərbaycan Ordusunun tarixi / M. S. Süleymanov; elmi red.: A. Ə. Paşayev, P. Q. Darabadi; Azərbaycan Respublikası Silahlı Qüvvələrinin Hərbi Akademiyası. II cild: noyabr 1918 - aprel 1920.- Bakı: Maarif, 2018.- 725 s.